لو انت جريء وبتحب الصراحة ادخل ناقش !!!

أسئلة للجريئين فقط .....للنقاش..
والله انا لقيت الاسئلة دى على النت وعجبتنى ....لان أحلى مافيها الصراحة .....وأنا بحب الصراحة جدا جدا
وياريت ألاقى تفاعل وردود جريئة ...
1-يا ترىمين علمك تجرح ,,, لمن توجه هذه العبارهـ ؟؟
2- اعتذار الرجل للمرأهـ ذل أم احترام للذات ؟؟
3- هل بحياتك قصة حب الان ؟؟
4- هل ترى ان الحب الاول ناجح ام فاشل ؟؟
5 - رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!
6 - اغمض عينيــك دقيقه وتخيل قبلها انك صاحب الموقع ما هو اول قرار ستتخذهـ ؟
7 - ايهم اكثر وبصراحه استلامك للرسائل خاصه ام ارسالك للرسائل خاصه ؟
8- مارأيك بالغيرهـ ؟
9- كم وزنك ؟؟ <<<اذا محرج لا تردون بس هالسؤااااال
10- كم طولك ؟؟
11- ماذا تقول لمن ظلمك ؟؟
12- سر لاول مره تقوله لنا؟؟ <<<<ادري بتسكتونا بتقولون اي شي لااااا
ابي شي عنكم اول مره تعترفوون فيه او حتى تذكرووونه جدام احد ,,
13- وجه نقد لكاتب الموضوع ؟؟
14- هل وضعك كلمة منقول لموضوع نقلته تزعجك ؟؟
15- شيء حدث بحياتك غير مجرى حياتك ؟؟
16- كتاب حياتك بم تصفه في كلمات معدودهـ ؟؟
17- شخص تفتقدهـ ,, من هو ؟؟ <<< مو شرط عضووو أي شخص بحياتك ,,
18- قرار اتخذته وتسرعت فيه ومن ثم ندمت عليه؟؟
19- لا اسمع لا ارى لا اتكلم ,, متى تطبق هذه المقوله بحياتك ؟؟
20- قم بتوجيه نصائح الى خمس اعضاء قم باختيارهم انت ؟؟ <<< اختار ووجه ,,
21- ماهو اكثر شي يحرجك ؟؟
22- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
23- ملحوظه لاحظتها على عضو من الاعضاء ماهي ؟؟ ومن هو العضو ؟؟ <<< قولوا أعضائنا عسل بتقبلون اكيد
24- كلمة تتمنى سماعها كل يوم ؟؟
25- ماهو رأيك بالموضوع ؟؟ ؟؟؟؟؟؟؟؟

كل دي اسئلة يا همس
ماشي ماشي ليكي يوم

الإجابه

1- حواااااااااااااااااااااااااااء
2- الإعتذار قوة وليس ضعف
3- لاااااا
4- فاشل غالباً
5- العائله - الحب - الصديق - المستقبل المهني - المال
6- التطوير العاجل
7- الاستلام
8- فاكهة الحب
9- 69
10- 181سم
11- إذا دعتك قدرتك على ظلم الناس فتذكر قدرة الله عليك
12- انا رومانسي ههههههههه
13- شقيه جداااااااااااااااااااااااً
14- لا طبعاً
15- الوظيفه الحكومية
16- كتاب حياتي يا عين ما شوفت زيه كتاب
17- صديق توفاه الله
18- قصة حب ( ارتباط )
19- لا اعترف بها
20- لا تعليق الان
21- عندما أكون مخطئ
22- لا تعليق
23- همس الحب ( النشاط الجاد )
24- كلمه الحب
25 - الموضوع اكثر من رائع

شكراً يا همس على هذا الموضوع الرائع
تقبلي تحياتي
shiref

شكرا شريف على الاجابات الصريحة .....كان نفسى اطبق عليك قانون همس وكرسي الاعتراف

بس البدايه مبشرا بعمل حوار صريح جدا جدا مع منى الحسينى ...وهمس الحب ههههههههههه

ومن هنا ومن واقع الاجابات الموجزة :اقول انك انسان....بما تحتوية الكلمة من مشاعر ورومانسية بجانب حدة الطبع الغير ملحوظة .....دماغك نشفة جدا ....وعنديد ...بدليل انك مقلتش الا اللى انت عايز تقولة .....بالرغم ان فى جملة لا تعليق مكتوبة .....

بس فى نقطة مش واضحة نوعا ما ....يعنى ايه قرار تسرعت فية وندمت علية ,,,,وكانت الاجابة الحب (الارتباط )؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تقبل تحياتى ايضا :همس الحب

الاجابه الاخيره

كنت خاطب واحده من 3 سنين وكانت اكبر غلطه في عمري
والحمد انتهت

بص قدامك شريف وما تفكرش فى اللفات .....

اختى همس الحب

يجعل ايامك كلها حب وسعاده و زقططه

موضوعك ها احكم عليه فى ردى

ونرجع لاسئلتك ...

1-يا ترىمين علمك تجرح ,,, لمن توجه هذه العبارهـ ؟؟
لو لازم الاسم يبقى لاميره سمير عبد الفتاح

2- اعتذار الرجل للمرأهـ ذل أم احترام للذات ؟؟
الاعتذار عموما احترام للذات بغض النظر هل الاعتذار لرجل ام لواحده نسوان

3- هل بحياتك قصة حب الان ؟؟
طبعااااااااااااااا مين يقدر يعيش منغير حب

4- هل ترى ان الحب الاول ناجح ام فاشل ؟؟
هى تجربه لابد ان نمر بها لازم بنت الجيران او زميله فى درس واغانى عبدالحليم وسهر ليالى الصيف وذكرى اول ميعاد ونشوة اول لمسة ايد .... الحاجات دى يعنى ، اما عن النجاح والفشل فـ ده بيرجع للظروف والتوافق و الرغبه فى الاستمرار من عدمها

5 - رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!
صعبه شويه يا همس دى بس ها احاول ارتبهم

الصديق ... المستقبل المهنى ... العائله ... المال ... الحب

6 - اغمض عينيــك دقيقه وتخيل قبلها انك صاحب الموقع ما هو اول قرار ستتخذهـ ؟

انك ما تكتبيش مواضيع تانى يا همس خلينا ناكل عيش بقه
ادونا فرصه بقه

7 - ايهم اكثر وبصراحه استلامك للرسائل خاصه ام ارسالك للرسائل خاصه ؟

لحد دلوقت الاتنين زى بعض ، بس يا ترى اطلاع المشرفين على الرسايل الخاصه
ده يبقى اسمه ايه ؟؟؟؟؟؟؟؟؟؟؟

8- مارأيك بالغيرهـ ؟
بهارات الحب

9- كم وزنك ؟؟ <<<اذا محرج لا تردون بس هالسؤااااال
65 بس
10- كم طولك ؟؟
170
11- ماذا تقول لمن ظلمك ؟؟
اقول بس ... ليه هو انا اكتع

12- سر لاول مره تقوله لنا؟؟ <<<<ادري بتسكتونا بتقولون اي شي لااااا
ابي شي عنكم اول مره تعترفوون فيه او حتى تذكرووونه جدام احد ,,

يا همس انا مشترك باسمى الحقيقى لا وصورتى كمان
فاكيد مش ها اقول حاجه كده ولا كده
بس ممكن اقول نانسى عجرم نستنى شكل الحريم ورقتهم

13- وجه نقد لكاتب الموضوع ؟؟
روحى منك للى كلت دراع جوزها

14- هل وضعك كلمة منقول لموضوع نقلته تزعجك ؟؟
ابدا

15- شيء حدث بحياتك غير مجرى حياتك ؟؟
الوظيفه

16- كتاب حياتك بم تصفه في كلمات معدودهـ ؟؟
طفوله .... مراهقه .... شباب وفى انتظار الشيخوخه

17- شخص تفتقدهـ ,, من هو ؟؟ <<< مو شرط عضووو أي شخص بحياتك ,,
حبى الاول

18- قرار اتخذته وتسرعت فيه ومن ثم ندمت عليه؟؟
ياااااااااااااااه كتير يا همس
بس اهمهم انى مره رميت مفاتيح مكتبى لمدير الشركه وسيبت الشركه ومشيت وكنت بتصرف من عقلى

19- لا اسمع لا ارى لا اتكلم ,, متى تطبق هذه المقوله بحياتك ؟؟
من 8:00 صباحا الى 3:30 مساءا يوميا ما عدا الجمعه والسبت
( مواعيد العمل )

20- قم بتوجيه نصائح الى خمس اعضاء قم باختيارهم انت ؟؟ <<< اختار ووجه ,,
سورى مش ها ينفع
21- ماهو اكثر شي يحرجك ؟؟
قلة الفلوس فى جيبى

22- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
الى ها اعمله لو رجع الزمن ... عا اعيش حياتى ي ما عشتها بالظبط
والى مش ها اعمله .... ها احاول الم ايدى فى المصاريف شويه

23- ملحوظه لاحظتها على عضو من الاعضاء ماهي ؟؟ ومن هو العضو ؟؟ <<< قولوا أعضائنا عسل بتقبلون اكيد
مره تانيه

24- كلمة تتمنى سماعها كل يوم ؟؟
بحبك

25- ماهو رأيك بالموضوع ؟؟ ؟؟؟؟؟؟؟؟

رخم زى صاحبته

شكرا بجد على ....تعليقاتك التى تكون ظريفة الى حد ما .....
بس لو انا رخمة اكيد انت اللى ادرى الناس هيى اللى بتحكم على بعضها

لو انت جريء وبتحب الصراحة ادخل ناقش !!! 471361163

اساله كتيره اوي بس مش مهم لو مكناش احنا بتوع الجرائة هيكون مين يعني
1- الجرح شئ سئ محبش اتعلمه اصلا
2- احترام طبعا بس لو غلطان فعلا
3- لا
4- الحب الاول سلاح زو حدين وانتا وشطرتك
5- في زمنا (زمن منيل ) المال * الحب * العائله * المستقب المهني * الصديق
6- اصرفلكم ثلاث سنين سجن
7-الرسائل اصلا ليست زو اهميه الاهم هو الموضوع والرد علي الموضوع
8- الاختلاف في الرئ لا يفسد من الود قضيه
9-74كجم
10- 174 سم
11-قالو زمان اخدان الحق حرفه (ولو انا مش ادو اقول حسبنا الله ونعم الوكيل الله القوي المتين)وبات مظلوم ولا تبتش ظالم
12- صبحي الصغير مدوحس
13- موضع لذيذ تسلم اديكي يا همس
14- بص هي كل الموضيع تعتبر منقوله بس المهم الي ينئي الموضوع الي يفيد وهي مش مهمه اوي
15- دخلت كليه زراعه (للاسف)
16- جهاد مع الحياه
17- حبيب *بدون شروط (بس انا الي بحدد الحدود)
18- لا تندم علي اللبن المسكوب (احد مبدئ)
19- ربنا يستر علي ولينا
20- طبعا علشان احنا اعضائنا مش كتير فهوجه للكل (اجتهد * كون صدوق *احترم لتحترم* كون متعاون *حب الناس تحبك )
21- والله اول مايخترعوا الة الزمن هبقي افكر
22- بيني وبينك الناس زي الفل
23- مفيش حد مش عايز يسمع كلمه بحبك وحشتني ولا ايه
24-اختلف معاك ياحامد بجد موضع جااااااااااااااااااااامد

وزي مقلنا الاختلاف في الئ لا يفسد من الود قضيه

اما بلنسبه بقي ليك يا شريف كن فصله ولا تكن نقطه

لو انت جريء وبتحب الصراحة ادخل ناقش !!! 565412763

هموس

ايه

زعلتى

لا لا لا انتى عارف انا مقدرش على زعلك ابدا

صح

وياستى متزعليش الموضوع بس الى رخم

اما صاحبته فـ دى حتة سكره ( ومش مجامله وانتى عارفه )

ايه مفيش حد تاني عندوه جرائه ولا ايه فين الناس

لو انت جريء وبتحب الصراحة ادخل ناقش !!! 694776690

اولا ماستر شكرا على استضافتك للبرنامج المصغر دة ...وهو حوار صريح مع النفس

اما بقى بالنسبة لك حامد ...محدش يقدر يزعلنى اساسا ....وانت بمثابة اخ اكبر ليا ...
ومحدش يقدر يزعل من اخوة الكبير

[quote]اما بقى بالنسبة لك حامد ...محدش يقدر يزعلنى اساسا ....وانت بمثابة اخ اكبر ليا ...
ومحدش يقدر يزعل من اخوة الكبير

ده يشرفنى صدقينى

شكرا على زوقك وردك الى احرجنى بالأدب

حامد فوزى ،،،

مشرف عدد الرسائل : 43 تاريخ التسجيل : 23/02/2008

1 - صديقتي الغالية .
2- ابدا لو كان غلطان .
3- سؤال ملهوش معني .
4- يعتمد علي الحب ونوعه ونوع طرفيه .
5- العائلة - الصديق - الحب -المال - المستقبل المهني .
6- املاه مواضيع .
7- أنا مليش في الرسائل اصلا لا كدة ولا كدة .
8- لذيذة بس مش تزيد عن حدها .
9- 53
10 - 150
11- حسبي الله ونعم الوكيل .
12 - منتدي همسات مش زي ما كنت متصوراه .
13- الأسئلة نقلتيها زي ما هي بنفس اللهجة وفي كلمات مش قادرة افسرها .
14 - أبدا .
15- الصداقة .
16- الحمد لله - جميل - متوائم - مريح .
17 - مفيش كل اللي بحبهم قدامي .
18- مش كتير , بس أني أحول من رياضة لعلوم في الثانوية العامة .
19- عندما لا يعجبني كلام بني ادم قدامي .
20 - مفيش .
21- إن مفيش حد يصدقني في كلمه بقولها وبذات لو كانت من قلبي لأني عمري ما كدبت علي حد .
22- اللي هعمله : هعمل نفس الصداقة اللي عملتها واللي عندي دلوقتي ........ واللي مش هعمله : مش هزعل حد مني .
23- مش عارفة مش قادرة الاحظ .
24- ربنا يكرمك .
25 - جميل وفكرته لذيذة .

يجامعه احنا مش عايزين حد يزعل من حد

علشان احنا عاملينه علشان نحب بعض اصلا ولا ايه

وتقبلو مني فائق الاحترام والتقدير

وبعدين مش فاهم قصدك يا اميره بان المنتدي مش زي مكنتي متصوره ازاي يعني

مشرف عدد الرسائل : 43 تاريخ التسجيل : 23/02/2008

ايه يا master ملك دخلت فيا شمال كدة ليه

براحة عليا

أنا مش اقصد اللي جه في بالك ايا كان

اقصد ان منتدي زي همسات أنا شايفة انوا كويس وهادف مش يبقي في ناس كتير

وكمان الموضوعات مش كتير

ومش موضوعات من اللي ممكن تجيب الناس من علي النت لما يجوا يبحثوا عن حاجة

مش عارفة انت فاهمني ولا لا

بس أنا لما أجي ادور علي اي حاجة بتظهر منتديات وهي دي اللي بتشهر المنتديات وتخلي ليها شعبية

بس دة اللي اقصدة

أميرة الحب

كلامك موزون اميرة .......بس ان شاء الله هيكون احسن

وشكرا على ردك للموضوع مرمر